Հարություն Հրանտի Ստեփանյանը ծնվել է 1949թ.-ի մարտի 10-ին Երևանում, գեղանկարիչ Հ. Ստեփանյանի և երաժշտագետ Օ. Սարգսյանի ընտանիքում: Միջնակարգ դպրոցն ավարտելուց հետո` 1969թ.–ին ընդունվել է Երևանի Գեղարվեստաթատերական ինստիտուտ և 1974 թվականին ավարտել քանդակի բաժինը: 1985-ից նկարիչների միության անդամ է: Մասնակցել է մի շարք միութենական և հանրապետական ցուցահանդեսների, ունեցել է երկու անահատական ցուցահանդես: Ձևավորել է բազմաթիվ հանգստյան տներ և հյուրանոցներ, երկու ռեստորան, տեղադրել է հուշակոթողներ` նվիրված Ղարաբաղյան պատերազմում զոհվածների հիշատակին: Բազմաթիվ խաչքարերի հեղինակ Է: Իր գործունեության գագաթնակետը համարում է ԽարբերդիԿարմիր Ավեարան եկեղեցական համալիրի քանդակները /1997-2001թթ./: Ունի բազմաթիվ գրաֆիկական և գեղանկարչական աշխատանքներ: Ամուսնացած է, ունի երեք դուստր: