Համալսարանի ուսումնա-կրթական գործընթացի կազմակերպումը 

                           1.Կրթության գործընթացը կազմակերպվում է ՀՀ կրթության մասին օրենքին համապատասխան և կարգավորվում ուսումնական պլաններով, առարկայական ծրագրերով, ուսումնական ժամանակացույցով և դասացուցակներով:

                 2.Համալսարանը որդեգրել է ոչ ֆորմալ  կրթության տարբերակը, այն է` կապված մարդու սիրողական նախասիրության հետ, անկախ նախնական կրթության մակարդակից սովորողին հնարավորություն տալ զարգացնելու մշակութային արժեքների իրականացումը:

               3.Դասափորձերը անցկացվում են հետևյալ ձևերով. ուղղորդում,  վարժանք /թրեյնինգ/, խորհրդատվություն,  մոդեռացիա:

Ուղղորդում- Այս ձևով շեշտը դրվում է նոր գիտելիքների փոխանցման և յուրացման վրա: Ուսուցման այս ձևը  ներառում է ոչ միայն դասախոսությունների ծրագրումը և կառուցումը, այլև իրական և կոնկրետ իրադրությունների օրինակի վրա ցույց է տրվում ներկայացված տեսության և գործնականի կապը:

Վարժանք- Այստեղ ստացած գիտելիքների հիման վրա ուշադրության կենտրոնում պրակտիկ գործողություններն են: Ուսանողները կատարում են որոշակի առաջադրանքներ, որոնք այնուհետև քննարկվում են:

Խորհրդատվություն - Սրա համարտիպական է այն, որ դասախոսի գիտելիքները հարաբերակցվում են ուսանողների հարցերի և խնդիրների հետ: Ի տարբերություն ուղղորդման, այստեղ գլխավորը ոչ թե առարկայի կառուցածքն է, այլ ուսանողների առջև դրված հարցերը և իրադրությունները: Փնտրելով որոշակի հարցերի պատասխանները` դասախոսը սկսում է հաղորդել այնպիսի գիտելիքներ, որոնք կապված են տվյալ պարագաներին և կարող են այստեղ կիրառվել: Այսպիսով, դասախոսի գլխավոր խնդիրը ուսանողների հարցերին պատասխանելն է:

Մոդեռացիա - Սա  նույնպես ընդգրկում է ուսանողների կոնկրետ խնդիրները: Այստեղ այնպիսի պայմաններ են ստեղծվում, որտեղ սովորողները կարողանան կողմնորոշվել իրադրություններում, մտածել հնարավոր այլընտրական գործողությունների մասին:

Տվյալ դեպքում դասախոսը հանդես  չի գալիս որպես գիտելիքների փոխանցող, այլ իր վրա է վերցնում իրազեկ զրուցակցի դերը:

Համալսարանը կիրառում է մոդուլային ուսուցման տարբերակը

   Մոդուլային ուսուցումը նոր այլընտրանքային տեխնոլոգիաներից մեկն է, որը վերջերս ստացել է մեծածավալ կիրառություն:  Սա մի համակարգ է, որը ներառում է մասնագիտական նշանակություն ունեցող գործողություններ և գործառնություններ, որոնք միանգամայն կատարվում են ուսանողի կողմից այս կամ այն չափով, ինչը հնարավորություն է տալիս հասնել ուսուցման առաջադրված արդյունքներին: Այս ուսուցման էությունն այն է, որ յուրաքանչյուր ուսանող ինքնուրույն է հասնում ուսումնա-իմացական գործունեության նպատակներին:

Մասնագիտական կրթության համակարգում մոդուլային ուսուցումը ճկուն տեխնոլոգիա է մասնագետների պատրաստման և վերապատրաստման համար, որի հիմքում ընկած է անհատական ուսուցման կազմակերպումը գործունեության ընթացքում:

  4. Մոդուլային տեխնոլոգիաների ներդրման հիմնական շահադրդումներն են.

•  ուսումնառության արդյունքներին հասնելու ապահովումը

• ուսուցման մակարդակի ընտրության հնարավորությունը

• սեփական տեմպին համապատասխան ուսումնառության կազմակերպումը

• ինքնագնահատման, սեփական սխալների ուղղման, ինքնահսկողության և ինքնուսուցման հնարավորությունը:

 5. Գնահատումն  իրականացվում է երեք ռազմավարությամբ: Այս տեսակները կազմում են ուսանողի կատարողականության գնահատման անբաժանելի մասը, որոնցից յուրաքանչյուրն ունի տարբեր նպատակներ և վերջնական արդյունք.

Ճանաչողական. օգտագործվում է ուսանողի կրթական կամ ուսուցման կարիքները որոշելու համար:

Ընթացիկ. կատարվում է ուսումնառության գործընթացում: Այն ուսանողին հնարավորություն է տալիս հետադարձ կապ ապահովել իր առաջընթացի, գիտելիքների և հմտությունների առկա բացերի որոշման համար:

Ամփոփիչ. վերջնական գնահատումն է` առաջադրանքները հաջողությամբ կատարելու կարողության նկատմամբ:

Կարևոր հանգամանք է նաև այն, որ մոդուլը քայլ առ քայլ տանում նյութի յուրացմանն ու կարողությունների ձևավորմանը, և ամեն մի մոդուլ ավարտվում է գնահատմամբ, որը մեծ նշանակություն ունի ինչպես դասավանդողի, այնպես էլ ուսանողի համար: Այս ուսուցման ներդրումը ողջ մասնագիտական համակարգում անհրաժեշտ պայման կդառնա համակարգի հետագա զարգացման համար:

  6. Ուսումնառության ընթացքում ուսանողական խորհուրդը կարող է առաջարկությամբ հանդես գալ համալսարանի ղեկավարության առջև կրթօջախի հասարակական և ուսանողական խորհրդի կազմակերպչական աշխատանքներին ակտիվորեն մասնակցած ուսանողի նկատմամբ ուսման վարձի զեղչ տրամադրելու, ինչպես նաև զեղչից օգտվող ուսանողին այդ արտոնությունից զրկելու համար, եթե վերջինս խոչընդոտում է ուսանողական խորհրդի բնականոն գործունեությանը և խուսափում է հասարակական աշխատանքներ կատարելուց:

 7.  Այն ուսանողները, ովքեր սովորելու ընթացքում ցուցաբերում են վարքի պարբերական կամ կոպիտ խախտումներ, հեռացվում են համալսարանից: Նրանց տրվում է տեղեկանք (ըստ պահանջի), որտեղ նշվում է հեռացման պատճառը:

 8.  Ընդհանուր կրթության և մասնագիտական ծրագրերի յուրացումն ավարտվում է շրջանավարտների գիտելիքների, կարողությունների և հմտությունների պարտադիր ամփոփիչ որակավորմամբ:

 9.  Ամփոփիչ որակավորումն անցած անձանց համալսարանը հանձնում է համապատասխան փաստաթուղթ` դիպլոմ, ստուդիան ավարտողներին` վկայական:

1.  Առարկաների և մոդուլների գնահատականների և ընդհանուր միջին գնահատականների հաշվարկման ձևը.

ա/ Յուրաքանչյուր առարկա  համախմբված է մոդուլի մեջ: Յուրաքանչյուր առարկայի համար տարվա սկզբին ուսանողը դասախոսի կողմից ստանում է հանձնարարականներ տվյալ առարկայի գծով աշխատանքների կատարման նվազագույն և առավելագույն  պահանջները:

Յուրաքանչյուր առարկայից ուսանողը ստանում է առնվազն /չհաշված միջանկյալ քննությունները/ երկու քննական գնահատական` կիսամյակային և տարեկան:

բ/ Յուրաքանչյուր առարկայի մինիմալ պահանջները կատարած ուսանողները ստանում են տվյալ առարկայի գծով <<ստուգված>> գնահատական, իսկ մաքսիմալ պահանջների կատարման համար ստուգվածին զուգահեռ կարող են ավելանալ տվյալ առարկայի համար սահմանված տիտղոսագնահատականներ: Տիտղոսագնահատականները տրվում են համալսարանի կողմից նշանակված հանձնաժողովի կողմից` դասախոսի առաջարկությամբ1:

գ/  Յուրաքանչյուր տիտղոսագնահատականի գործակիցը 1 է:

դ/ Մասնագիտական առարկաների տիտղոսագնահատականը տալիս է բոնուս +1 /յուրաքանչյուր տիտղոսագնահատականը ընդհանուր գնահատականներին ավելացնում է 1-ով/:

ե/ Ընդհանուր միջին գնահատականը հաշվարկվում է տիտղոսագնահատականների ընդհանուր գործակիցների հանրագումարով:

զ/ Տարեկան ուսումնական պլանով նախատեսված առարկաների ընդհանուր քանակի համեմատ  90 տոկոս և ավել գործակից հավաքողները կհամարվեն գերազանցիկ ուսանողներ:

է/ 50 տոկոսից պակաս հավաքողները չեն կարող մասնակցել զեղչված տեղերից օգտվելու համար կատարվող դասակարգմանը:

2. Բացակայությունները միջանկյալ և կիսամյակային քննաշրջանների ընթացքում:

  ա/ Քննություններից անհարգելի բացակայող ուսանողները ստանում են 0 գնահատականը:                                         Բացակայությունը հարգելի է համարվում միայն բժշկի տեղեկանքի առկայության դեպքում, որը պետք է ներկայացվի քննությանը հաջորդող երեք օրվա ընթացքում:

բ/ Այն ուսանողները, որոնք միջանկյալ քննությունների ընթացքում ունեն հարգելի բացակայություններ, դրանք չեն վերահանձնում: Բաց թողնված միջանկյալ քննությունների գնահատականները փոխարինվում են առաջին քննաշրջանին  ստացած միևնույն տիպի քննության գնահատականներով:

գ/ Այն  ուսանողները, որոնք ունեն հարգելի բացակայություններ կիսամյակում չփոխարինվող քննությամբ, պետք է հանձնեն վերաքննություններ:

դ/ Ուսանողը չի կարող փոխադրվել հաջորդ կուրս, եթե ունի  երկուսից ավել առարկայական պարտքեր նախորդ տարվանից:

____________________________________________________________________________________________________

    1Եթե ուսանողը տվյալ առարկայի համար արդեն արժանացել է որևէ տիտղոսագնահատականի, ապա հաջորդ կիսամյակների ընթացքում նա այլևս չի կարող հավակնել դրան և պետք է պայքարի այլ տիտղոսագնահատականների  համար: