Գալանտերյան Նիկոլ Գասպարի (1881-1944)  (07 IX 1881թ.Ակն-02 III 1944թ. Թեհրան), հայ կոմպոզիտոր: 1900-03-ին սովորել է Էջմիածնի Գևորգյան ճեմարանում: Երգեցողություն է դասավանդել Շումենի, Վառնայի, Թեհրանի հայկական դպրոցում: 1911-ից ապրել է Թեհրանում: 1925-ին կազմակերպել է <<Գողթան>> (1942-ից` <<Գալանտերյան>>) երգչախումբը: Գալանտերյանի երգերը գրված են քաղաքային ժող. երգերի ոճով` Վահան Տերյանի, Հովհանես Թումանյանի, Ավետիք Իսահակյանի, Եղիշե Չարենցի, Միսաք Մեծարենցի, Դևի և այլոց բանաստեղծությունների հիման վրա:  Նրա լավագույն երգ-ռոմանսները`   <<Դու նորից եկել ես>> երգում է ՀՀ ժող. արտիստ Վարդուհի Խաչատրյանը <<Արդյոք ուր ես>>  երգում է ՀՀ ժող. արտիստ Վարդուհի Խաչատրյանը <<Ափսոսանք>> երգում է ՀՀ ժող. արտիստ Վարդուհի Խաչատրյանը <<Ծիրանավառ գիշերներ>> երգում է ՀՀ ժող. արտիստ Վարդուհի Խաչատրյանը <<Կապույտ աղջիկ>> երգում է ՀՀ ժող. արտիստ Վարդուհի Խաչատրյանը <<Հեռանալ մոռանալ>>   <<Ես սիրում եմ>>   <<Հովիկ>>   <<Կանցնի օրեր>>   <<Այնպես նազիկ>>

Անձնական քնարերգության արտահայտությունն են: Գեղջկական երգի ինտոնացիոն կառուցվածքով են գրված`  <<Գյուղական էսքիզները>>, որոնց մեջ առանձնանում է  <<Ակնա հարսանիք>> խմբերքի շարքը (<<Վարդ եմ քաղել օյ նար>>, <<Գյուլիզար>>, <<Դալիլո-լիլո>> են): Գրել է  <<Լալվարի որսը>> (ըստ Վ. Միրաքյանի, բեմադրել է Թեհրանում,  1928, 1930, սիրողների ուժով),  <<Փարվանա>> (ըստ Հովհանես Թումանյանի,  1932),  <<Հովիկը>> (ըստ Վրթանեզ Փափազյանի <<Լոդալուր>>-ի, 1933) օպերաները, մանկական երգեր ու օպերաներ (<<Չարի վերջը>>, <<Պողոս-Պետրոս>>, <<Պապն ու շաղգամը>>,  <<Ուլիկը>>), ջութակի, թավջութակի, դաշնամուրի  մանրանվագները...